პარლამენტში შესული ოპოზიციონერი, "მოქალაქეების" ლიდერი ალეკო ელისაშვილი ხელისუფლების მხრიდან ბოიკოტში მყოფი ოპოზიციონერი დეპუტატებისთვის მანდატების გაუქმების გადადებას დადებითად აფასებს და აცხადებს, რომ ახლა ოპოზიციამ უნდა გადადგას სწორი ნაბიჯი:

"შანტაჟი, რასაც ეწეოდა აქამდე ქართული ოცნება, რომ შეგიწყვეტ, ასე ვიზამ, ისე ვიზამ, ეს რომ დაასრულეს კარგია, ახლა მთავარია კენჭისყრაზეც იგივე მოხდეს, მანდატები არ შეწყდეს, იმიტომ, რომ შეთანხმება არის გასაფორმებელი. შეთანხმების გაფორმების შემდეგ შემოვიდეს ოპოზიცია.

ქართულმა ოცნებამ დღეს სწორი გადაწყვეტილება მიიღო, ახლა სწორი გადაწყვეტილება უნდა მიიღოს ოპოზიციამ, ამპარტავნულ პოზაში ნუ დგანან და ნუ არიან თავისი სიტყვების და ლოზუნგების ტყვეობაში, ამას უნდა გადააბიჯონ", - განაცხადა ელისაშვილმა.