"ქართული ოცნება - დემოკრატიული საქართველოს" ცენტრალურ ოფისში პოლიტიკური საბჭოს ცოტა ხანში სხდომა გაიმართება - სხდომა 20:00 საათზე არის ჩანიშნული.

სხდომაზე ოპოზიციონერი დეპუტატებისთვის სადეპუტატო უფლებამოსილების ვადაზე ადრე შეწყვეტის თაობაზე იმსჯელებენ.

ოპოზიციაში აცხადებენ, რომ მათ განაცხადებს არ დააკმაყოფილებენ და სადეპუტატო უფლებამოსილებას "ქართული ოცნების" წევრები შეუწყვეტენ იმას, ვისზეც "ქართული ოცნება" ჩათვლის საჭიროდ. ასევე არსებობს მესამე ვარიანტი - მმართველმა გუნდმა საკითხი საკონსტიტუციო სასამართლოში წაიღოს, სადაც პროცესი წლობით გაგრძელდება.

საკითხხს დღეს პრემიერმინისტრი, გიორგი გახარია, გამოეხმაურა და განაცხადა, რომ დეპუტატის ადგილი პარლამენტშია

შეგახსენებთ, ხვალ, პარლამენტის საგაზაფხულო სესია გაიხსნება, რომლის პირველი პლენარული სხდომის ერთადერთი საკითხი 51 ოპოზიციონერი დეპუტატის უფლებამოსილების შეწყვეტაა.