გიორგი გახარია ამბობს, რომ "ყველამ თავი უნდა შეიკავოს" ნებისმიერი სიტყვისა და ნაბიჯისგან, რომელმაც, შესაძლოა, დავით გარეჯის საკითხის პოლიტიზირებას ხელი შეუწყოს.

ქვეყნის მეთაური ამბობს, რომ პოლიტიზირება ქვეყნისთვის მაღალი რისკის შემცველია:

"დავით გარეჯის საკითხის ნებისმიერი სახით, ნებისმიერი მხარის მიერ პოლიტიზირება არის უაღრესად მაღალი რისკის შემცველი ჩვენი ქვეყნისთვის იმიტომ, რომ ეს იმდენად სენსიტიური საკითხია... ყველას უნდა გვეყოს პასუხისმგებლობა და დაველოდოთ იმ საგამოძიებო პროცესებს, რომელიც მიმდინარეობს.

ვერ გამოყოფ ვერავის, ეს საერთო, ეროვნული, სახელმწიფოებრივი მიდგომა უნდა იყოს, ჩვენ ყველამ თავი უნდა შევიკავოთ ნებისმიერი ნაბიჯისგან, ნებისმიერი სიტყვისგან, რომელმაც შეიძლება, თეორიულადაც კი, დავით გარეჯის საკითხის პოლიტიზირებას ხელი შეუწყოს. ჩვენ უნდა გავუფრთხილდეთ გარეჯის მომავალსაც და ჩვენს სტრატეგიულ პარტნიორთან, აზერბაიჯანთან ურთიერთობასაც", - განაცხადა პრემიერ-მინისტრმა.