"ქვეყანაში შეზღუდვები სრულად უნდა მოიხსნას" , - აქცია ბათუმში, ევროპის მოედანზე.

აქციის მონაწილეები ითხოვენ ქვეყნის სრულად გახსნას - მათი თქმით, შეზღუდვები, რომლებიც პირველი თებერვლიდან იხსნება არასაკმარისია.

“სოლიდარობას ვუცხადებთ თბილისში გამართული აქციის მონაწილეებს. ვითხოვთ, რომ ქვეყანა გაიხსნას. ჩვენთვის გაუგებარია, რას ემსახურება “კომენდანტის საათი”, რატომ არ უნდა გაიხსნას რესტორნები და ფიტნეს-კლუბები. არაა დამაჯერებელი განმარტებები, რა სარგებლობა მოაქვს ამ ყველაფერს პანდემიის მართვაში. აუცილებელია ეკონომიკის აღდგენა,"- განაცხადეს ევროპის მოედანზე შეკრებილებმა.