აქცია ბათუმის შემოერთებულ ტერიტორიაზე, სოფელ სალიბაურში - ყოფილი ჩაის ფაბრიკის შენობაში შესახლებული 60-მდე ოჯახი დახმარებას ითხოვს.

60-მდე ოჯახი, რომლებიც ძირითადად, სოციალურად დაუცველები არიან, თვითნებურად დაახლოებით 8 წლის წინ შესახლდნენ შენობაში - თუმცა, შენობა ამორტიზებული და საცხოვრებლად შეუსაბამოა, ჰქონდათ ელექტროენერგიის გაყვანილობის პრობლემაც, ამასთან, არაა კარგად გადახურული და აწვიმთ.

სოციალურად დაუცველები აცხადებენ, რომ წინასაარჩევნოდ მათ ხელისუფლება პირობების შესწავლასა და დახმარების გაწევას დაჰპირდა, თუმცა 2 თვეზე მეტია გასული და მათთან არავინ მისულა.

თუ 10 დღეში ხელისუფლება არ მიიღებს გადაწყვეტილებას და პრობლემები არ მოგვარდება, საპროტესტო აქციებს აჭარის მთავრობის სახლთან გამართავენ.