"გახსენით ქვეყანა! #სოცაფეთქება" - ამ სახელწოდებით დღეს, 30 იანვარს, 15:00 საათზე კალცელარიათან საპროტესტო აქცია გაიმართება , აქტივისტების მოთხოვნაა შეზღუდვების სრულად მოხსნა.

"ადამიანების არსებობა საფრთხეშია!

ხელისუფლება უტიფრად აგრძელებს, მატერიალური და მორალური ზიანის

წინაშე მდგარი ადამიანების იგნორირების პოლიტიკას!

მათთვის ერთეული ადამიანების სატკივარი და პროტესტი არაფერს ნიშნავს, თუნდაც მაშინ როცა ამ ერთეულების უკან ათასობით და ათიათასობით მოქალაქე დგას და მათი პროტესტი საზოაგდოების სატკივარის კრებით სათქმელს წარმოადგენს!

ამიტომ, საჭიროა ვიყოთ ბევრნი!

ნუ შეგეშინდებათ, თუ ბევრნი ვიქნებით, ვერავინ დაგაშინებთ თუნდაც არსებულის დაკარგვით, წართმევით. საჭიროა ადამიანების კრიტიკული მასა, რათა ხელისუფლებას გავაგებინოთ ჩვენი სათქმელი! - ნათქვამია განცხადებაში.

მოთხოვნები უცვლელია:

• მოიხსნას ზამთრის კურორტებზე დაწესებული შეზღუდვები;
• სასწავლო პროცესი გაგრძელდეს საკლასო ოთახებში და გაიხსნას საბავშვო ბაღები, შესაბამისი რგულაციების დაცვით;
• განახლდეს საზოგადოებრივი და საქალაქთაშორისო ტრანსპორტის მუშაობა;
• გაიხსნას რესტორნები და კაფეები შესაბამისი რეგულაციების დაცვით ღია და დახურულ სივრცეებში;
• ზამთრის კურორტებზე მდებარე სასტუმროებს მიეცეთ მუშაობის უფლება;
• გაიხსნას ფიტნეს და სპორტული დარბაზები შესაბამისი უსაფრთხოების წესების დაცვით;
• ყველა შშმ პირს მიეცეს თავისუფლად გადაადგილების საშუალება და მოიხსნას ის შეზღუდვები, რომლებიც მათ არსებობას საფრთხეს უქმნის და მკურნალობას აფერხებს;
• გაიხსნას სახელოვნებო სივრცეები, შესაბამისი რეგულაციებით და შემუშავდეს ინდივიდუალური მიდგომები მათ ასამუშავებლად;
• გაუქმდეს კომენდანტის საათი

შეგახსნებთ, რომ რომ აქცია უერთდებიან რესტორატორები, რომლებმაც დღეს დილის 9 საათიდან 24 საათით პროტესტის ნიშნად, მიტანის სერვისი შეაჩერეს.

თბილისის გარდა, შეზღუდვების გაუქმების მოთხოვნით აქცია გაიმართება ქუთაისშიც. "გაიხსნას ყველაფერი" - ამ მოთხოვნით მოქალაქეები ქუთაისის მერიასთან 31 იანვარს, კვირას, 12 საათზე შეიკრიბებიან.