კარტოგრაფების საქმეზე დაკავებული და გირაოს სანაცვლოდ გამოშვებულ ივერი მელაშვილის ადვოკატის ედვარდ მარიკაშვილის განცხადებით, დიდი ალბათობით, სასამართლოს გადაწყვეტილებას გაასაჩივრებს. მიუხედავად იმისა, რომ ჩანაწერით გირაოს გასაჩივრება დაუშვებელია.

მარიკაშვილის თქმით, ის აპირებს ასევე ივერი მელაშვილის სამსახურიდან გათავისუფლების გადაწყვეტილებაც გაასაჩვროს:

"მიუხედავად იმისა, რომ დღეს არსებული ჩანაწერით, გირაოს გასაჩივრება დაუშვებელია, მე ვფიქრობ, ეს არ არის მართებული და, ბატონ ივერთან შეთანხმების შემდეგ გირაოს, დიდი ალბათობით, გავასაჩივრებთ. ასევე, გავასაჩივრებთ აუცილებლად, თანამდებობიდან გათავისუფლების შესახებ სასამართლოს დადგენილებასაც", - აცხადებს ედვარდ მარიკაშვილი.

შეგახსენებთ, რომ გუშინ სასამართლომ კარტოგრაფების საქმეზე დაკავებული ივერი მელაშვილი და ნატალია ილიჩოვა 20-20 ათას ლარიანი გირაოს სანაცვლოდ გაათავისუფლა.