კარტოგრაფი ,ივერი მელაშვილი , აცხადებს მისი დაკავება აბსოლუტურად პოლიტიკური მიზანი იყო.

მელაშვილის განმარტებით, ამ ყველაფრის შედეგი არის ორ ქვეყანას შორის, საქართველო-აზერბაიჯანის, ურთიერთობის გაფუჭება.

"ის რის გამოც მოხდა ჩემი დაკავება, ეს არის აბსოლუტურად პოლიტიკური მიზანი. ეს სხვა არაფერი არ არის. პირველი იყო - წინასაარჩევნო პერიოდი პარტიისათვის, პოლიტიკურ ოპონენტზე ზეწოლა, გაშავება მისი. ისე გამოყვანა მისი, რაღაც ტერიტორიები გადასცა და ასე შემდეგ და მეორე იყო ჩვენი პარტნიორ ქვეყანასთან ურთიერთობის გაფუჭება აი ეს არის შედეგი. ეს ორთავე არის საქართველოს ინტერესების საწინააღმდეგო, ვინც ამას ვერ ითავისებს", - ამბობს ივერი მელაშვილი გათავისუფლების შემდეგ.

შეგახსენებთ, რომ თბილისის საქალაქო სასამართლოს გარდაწყვეტილებით, ნატალია ილიჩოვასა და ივერი მელაშვილის აღმკვეთი ღონისძიება - პატიმრობა 20-20 ათასლარიანი გირაოთი შეეცვალათ და სასამართლო დატოვეს.