პოლიტიკოსი ელენე ხოშტარია ეხმაურება კარტოგრაფების გათავისუფლებას და აცხადებს, რომ სახელმწიფოს ბოდიში აქვ მოსახლდელი ნატალია ილიჩოვასა და ივერი მელაშვილისთვის.

ხოშტარიამ აღნიშნა, რომ პოლიტმატიმარი გიორგი რურუამაც უნდა დატოვოს საპატიმრო, რადგან, მისივე თქმით, შევძლოთ პოლიტიკური დევნის ფურცლის გადაშლა.

პოლიტიკოსის განმარტებით, თუ ყველა პოლიტიკურ პატიმარს გაათავისუფლებენ ეს გარკვეულ შესაძლებლობებს შექმნის პოლიტიკური პროცესისთვის.

"ძალიან ემოციური მომენტია. ემოციურად მიხარია, რომ როგორც იქნა გაიღო ციხის კარი და საბოლოო ჯამში ადამიანების ბრძოლამ მიგვიყვანა იქამდე, რომ ფიზიკურად გამოვიდნენ. თუმცა რა თქმა უნდა ეს საქმე ბოლომდე უნდა მივიდეს და სახელმწიფოს ბოდიში აქვს მოსახდელი ამ ადამიანებისთვის, და ასევე გიორგი რურუა პოლიტპატიმარი უნდა გამოვიდეს საპატიმროდან, იმისთვის რომ ჩვენ შევძლოთ ამ პოლიტიკური დევნის რაღაც ფურცლის გადაშლა. არავის ეგონოს, რომ ეს იქნება ვაჭრობის საგანი. პოლიტიკური პროცესის განტვირთვას სჭირდება გაყალბებული არჩევნების საკითხის აღმოფხვრა. რა თქმა უნდა თუ ყველა პოლიტიკურ პატიმარს გაათავისუფლებენ ეს გარკვეულ შესაძლებლობებს პოლიტიკური პროცესისთვის შექმნის",- განაცხადა ხოშტარიამ.

შეგახსენებთ, რომ თბილისის საქალაქო სასამართლოს გარდაწყვეტილებით, ნატალია ილიჩოვასა და ივერი მელაშვილის აღმკვეთი ღონისძიება - პატიმრობა 20-20 ათასლარიანი გირაოთი შეეცვალათ და სასამართლო დატოვეს.