პროკურატურა თბილისის საქალაქო სასამართლოს, დაკავებული კარტოგრაფების, ივერი მელაშვილისა და ნატალია ილიჩოვასთვის პატიმრობის გირაოთი შეცვლის შუამდგომლობით მიმართავს.

შოთაძის უწყებაში ამბობენ, რომ მკაცრი აღკვეთი ღონისძიების გამოყენების საჭიროება აღარ არის.

"დღევანდელ პროცესზე ჩვენ მივმართავთ სასამართლოს შუამდგომლობით, რათა ბრალდებულებს პატიმრობა შეეცვალოს გირაოთი, იმიტომ, რომ ამ ეტაპისთვის, ხაზს ვუსვამ, ამ ეტაპისთვის მიზანშეწონილად აღარ მივიჩნევთ ყველაზე მკაცრი აღკვეთი ღონისძიების გამოყენებას... ეს ნიშნავს, რომ ბრალდებული თავისუფლებაში ყოფნის პირობებში დაელოდებიან სასამართლოს გადაწყვეტილებას". მისივე თქმით, პროკურატურა ამ პროცესში იქნება "საკმაოდ პრინციპული და კატეგორიული".

კარტოგრაფების საქმეზე სასამართლო სხდომა ამ წუთებში იწყება.