მთავარი არხის დირექტორი, ნიკა გვარამია სოციალურ ქსელში საქართველოს მესამე პრეზიდენტის, მიხეილ სააკაშვილის ვიდეოს გამოეხმაურა, სადაც ის საქართველოს მთავრობას კორონავირუსის ვაქცინის მალტის რესპუბლიკისგან შეძენას სთავაზობს.

"სააკაშვილმა, არც მეტი, არც ნაკლები, კოვიდის ვაქცინები გვიშოვა. ამას ქვია ჭერი აარღვია! წარმოუდგენელია. წავიდეს ახლა ბიძინა, უკვდავების წყალი მოიტანოს. ქართველების მოძულე ბოროტი მილიარდერი, არც კი განძრეულა ხალხის გადასარჩენად. არადა, ორდენი რომ მიეღო, უმდიდრეს საფრანგეთს მილიონები შესწირა" - წერს ნიკა გვარამია.