ჩამოშორდა თუ არა საქართველო საერთაშორისო დღის წესრიგს და რატომ არ ისაუბრეს ბაიდენმა და პუტინმა სატელეფონო დიალოგში ჩვენი ქვეყნის შესახებ, მით უფრო, რომ ამერიკის პრეზიდენტმა მკვეთრი პოზიცია დააფიქსირა რუსეთის მხრიდან უკრაინის ოკუპაცაზე და ამ უკანასკნელის მიმართ მხარდაჭერა გამოაცხადა - პოლიტოლოგები აღნიშნულ გარემოებას "ქართული ოცნების" მიერ ქვეყანაში გატარებულ არასწორ პოლიტიკას უკავშრებენ:

"ქართული ოცნების" პირობებში საქართველო ნელ-ნელა ტოვებდა საერთაშორისო დღის წესრიგს და ბოლო პერიოდში უკვე საერთოდ აღარ ფიგურირებს ამ დღის წესრიგში, ეს ერთი და მეორეც, როგორც ჩანს, გეოპოლიტიკური ხედვის ცვლილებაც ოცნების სტრატეგიის ნაწილია, რადგან ბოლო დროს უფრო მეტად ვხედავთ მათ სიმპათიებს რაღაც კავკასიური სტაბილურობის პაქტის მიმართ და რეგიონალური მოწყობის მიმართ სამხრეთ კავკასიაში, რაც უდიდესი გეოპოლიტიკური შეცდომაა, რადგან ჩვენი გეოპოლიტიკური იდენტობა არის შავი ზღვა და ევროპის მიმართულება, აქედან გამომდინარე, უკრაინასთან ერთად ჩვენი საკითხის განხილვა არის მნიშვნელოვანი, - განაცხადა საქართველოს ატლანტიკური საბჭოს თავმჯდომარის მოადგილემ ბათუ ქუთელიამ.