წმინდა ნინოს ხსენების დღესთან დაკავშირებული საზეიმო წირვის შემდეგ მეუფე იაკობმა ქვეყანაში არსებულ პოლიტიკურ პროცესებზე იქადაგა. როგორც მეუფე აღნიშნავს, ყველა უნდა შერიგდეს და ერთობა დაიცვას, რათა სხვადასხვა პრობლემები მოგვარდეს. მისი აზრით, ეკლესია პოლიტიკურ პროცესებში უნდა ჩაერიოს:

"მე ვფიქრობ, საქართველოს ყველა მოქალაქე უნდა შერიგდეს. თუ ასე გაგრძელდა, ვერ განვვითარდებით. ჩემთვის აუტანელი და მიუღებელია პოლიტიკოსების ასეთი ქცევა. განსაკუთრებით მათი, ნათქვამი რომ არ მქონდა ჯერ, იქნებ ეკლესიაში მოხვიდეთთქო და უცბად გააკეთეს სწრაფი განცხადებები. სეკულარიზმზე რო მიმითითებენ, რა იციან, რა არის სეკულარიზმი.

ძალიან მძიმე კრიზისია ქვეყანაში. ოპოზიციის ნებაა, უნდა შევლენ პარლამენტში და უნდა - არა. მაგრამ ხომ ხვდებიან, რომ ქუჩაში იმდენი ძალა აღარ აქვთ, უბრალოდ ხალხი ვერ გამოჰყავთ.წარმოიდგინეთ, ეკლესიას რომ დასჭირდეს და დაუძახოს, ასე ცოტა ხალხი გამოვა?

იმას გვაფიქრებინებენ, რომ ჩავერიოთ. ასე თუ გაგრძელდა, მაგასაც ვიფიქრებთ. ასე დაღუპავენ ქვეყანას. ცოტა კარგად გავხდები და მაგას ვნახავთ. ცალ- ცალკე ქვეყანას ვერავინ უშველის, ერთად უნდა იყოს ყველა", - განაცხადა მეუფე იაკობმა.