დღეს პარლამენტი სადეპუტატო მანდატის შეწყვეტის მსურველი ოპოზიციონერების განცხადებების განხილვას იწყებს.

საპროცედურო საკითხთა და წესების კომიტეტი დღევანდელ სხდომაზე პარლამენტის წევრის უფლებამოსილების ვადამდე შეწყვეტის თაობაზე პირველ რიგში “ლეიბორისტული პარტიის“ ლიდერის შალვა ნათელაშვილისა და “ნაციონალური მოძრაობის“ წევრის ლევან ხაბეიშვილის განცხადებებს განიხილავს. დანარჩენი 49 ოპოზიციონერი წევრის განცხადებები კი ხვალინდელ სხდომაზე იქება განხილული.

"კარგი იქნებოდა, აქამდე დაეკმაყოფილებინათ და რატომ აკეთებენ იმას, რომ კანონის შესაბამისად არ იქცევიან და უფლებამოსილებას არ წყვეტენ, ეს არის საკითხავი. რაც შეეხება მათ გადაწყვეტილებას, შეაჩერებენ უფლებამოსილებას თუ არ შეაჩერებენ, ვფიქრობ, ნაკლებად მნიშვნელოვანია საზოგადოებისთვის, იმიტომ, რომ ისედაც ცხადია, რომ ეს არის ერთპარტიული პარლამენტი და მას ყველაფერი შეიძლება ეწოდოს პარლამენტის გარდა. ჩვენ ველოდებით შეთანხმებას ქვეყანაში რიგგარეშე არჩევნების თაობაზე, წინააღმდეგ შემთხვევაში ყველანაირი აზრი ეკარგება პოლიტიკის წარმოებას" - განაცხადა ენმ-ს წევრმა ლევან ხაბეიშვილმა.

სადეპუტატო უფლებამოსილების შეწყვეტასთან დაკავშრებით საბოლოო გადაწყვეტილება უმაღლეს საკანონმდებლო ორგანოში 2 თებერვალს ჩანიშნუ,ლ პლენარულ სხდომაზე გაცხადდება, თუმცა მმართველ გუნდში არ გამორიცხავენ, რომ საკითხი ღია სხდომაზე გაიტანონ და ოპოზიციას სადეპუტატო უფლებამოსილება არ შეუწყვიტონ.