პანდემიასთან დაკავშირებით დაწესებული შეზღუდვების გამო დახურული ბიზნესის წარმომადგენლები ახალი გეგმის შემუშავებას აპირებენ. გარდა იმისა, რომ რეგულაციების მოხსნის მიზნით აქციებს გამართავენ, ბიზნეს-სფეროს წარმომადგენლები გარკვეულ სტრატეგიაზე მუშაობას აპირებენ, რათა უმძიმესმა კრიზისმა მთლიანად არ გაანადგუროს მათი საქმიანობა:

"დღევანდელი მოცემულობით, სავარაუდოდ, ზამთრის კურორტები არ გაიხსნება, რაც კატასტროფაა ამ ბიზნესისთვის. დღეს დავსხდებით, დავილაპარაკებთ და დავსახავთ გეგმას, რა გავაკეთოთ იმისთვის, რომ ბიზნესები გადავარჩინოთ ისე რომ, ფიზიკურად ისე არ მოხდეს, ქვეყანაში ჩამოსულ ტურისტებს რესტორნები და სასტუმროები აღარ დახვდეს საერთოდ", - განაცხადა "სასტუმროებისა და რესტორნების ფედერაციის" დამფუძნებელმა შალვა ალავერდაშვილმა.

შეგახსენებთ, რომ 1-ელი თებერვლიდან მხოლოდ ღია ტიპის კაფე-ბარები და რესტორნები ამუშავდება, ხოლო ზამთრის კურორტები, ფიტნეს-დარბაზები და მსგავსი ტიპის დაწესებულებები ისევ გაჩერებული იქნება.