"სტრატეგია აღმაშენებლის" ლიდერი, გიორგი ვაშაძე აცხადებს, რომ მას შემდეგ რაც ოპოზიციის წევრებს სადეპუტატო მანდატები შეუჩერდებათ, მმართველი გუნდისთვის სერიოზული ლეგიტიმაციის კრიზისი დაიწყება, რადგან , მისივე თქმით, მანდატების ანულირების შემდეგ, არ რჩება ტექნიკური მექანიზმი ამ სადეპუტატო მანდატების შევსებისთვის.

"თქვენ წარმოიდგინეთ, რომ კონსტიტუციურადაც კი, უზარმაზარი პრობლემა უჩნდება "ქართულ ოცნებას". 100 ვალიდური მანდატი, ანუ 100 უფლებადცნობილი დეპუტატი აღარ იქნება პარლამენტში, როგორც კი ისინი კენჭს უყრიან და ყველას დაატოვებინებენ პარლამენტს. არც ტექნიკური მექანიზმი იქნება ამ სადეპუტატო მანდატების შევსებისა. შესაბამისად, სერიოზული ლეგიტიმაციის კრიზისი იწყება "ქართული ოცნებისთვის". ეს მათთვის, ძალიან დიდი თავსატეხია," - აღნიშნა გიორგი ვაშაძემ "ღამის კურიერში" .