"გირჩის" ლიდერის , ვახტანგ მეგრელიშვილის შეფასებით, უფრო პრიორიტეტულია "ოცნებისა" და "ნაციონალების" შერიგება, ვიდრე პოლიტპატიმრებზე ჩხუბი.

მისი თქმით, თუ ეს ბრძოლა არ დასრულდა და ეს ორი მხარე არ შერიგდა, ჩვენ გვეყოლება არა 3 პოლიტპატიმარი, არამედ 3 000 შეიძლება გყვავდეს.

"პოლიტპატიმრები, რომელთაც ოცნება არ აღიარებს, ეს არის ნაციონალურ მოძრაობასა და ოცნებას შორის ბრძოლის შედეგი. თუ ეს ბრძოლა არ დასრულდა და ეს ორი მხარე არ შერიგდა, ჩვენ გვეყოლება არა 3 პოლიტპატიმარი, არამედ 3 000 შეიძლება გყვავდეს. ეს პოლიტპატიმრების თემა კი არ არის, პოლიტიკურ ბრძოლასთან გვაქვს საქმე. ამიტომ, ის პოლიტპატიმრების თემა, რომელიც შეთანხმებაში პირველ პუნქტად წერია, არის საბაბი იმ ხალხისთვის, ვისაც შეთანხმება არ სურს.თუ მთავარი პრობლემა არ გადავწყვიტეთ, რაც არის ქართული ოცნებისა და ნაციონალური მოძრაობის ქიშპი, ჩვენ პოლიტპატიმრები გვეყოლება. ამიტომ, ამ კონტექსტში, ბევრად უფრო პრიორიტეტულია ამ ორი პოლიტიკური ძალის შერიგება, ვიდრე კონკრეტულ პოლიტპატიმრებზე ჩხუბი" ,- განაცხადა მეგრელიშვილმა "ფორმულასთან".