"ევროპული საქართველოს" ერთ-ერთი ლიდერი, გიგა ბოკერია აცხადებს, რომ მეგრელიშვილზე და ხვიჩიაზე სერიოზულად ვერ ისაუბრებს. მისი თქმით, როცა "კომედი შოუში" მიიიწვევენ იქ ისაუბრებს.

კითხვაზე, რატომ არ არიან ოპოზიციის საერთო განცხადების ავტორების სიაში "გირჩი" და "მოქალაქეები", ბოკერიამ აღნიშნა, რომ ისინი ვერ იქნებოდნენ ამ განცხადების ავტორები, რადგან არ უთქვამთ უარი სადეპუტატო მანდატებზე.

"ვახო მეგრელიშვილზე და იაგო ხვიჩიაზე მხოლოდ რომელიმე კარგ „კომედი შოუში“ თუ დამიძახებენ, იქ ვისაუბრებ. ამ ხალხზე სერიოზულ საუბარს არ ვაპირებ.

რაც შეეხება "გირჩსა" და ელისაშვილს, მათ არც დაუწერიათ განცხადება მანდატების შეჩერების თაობაზე, შესაბამისად, ვერც იქნებიან ისინი ამ განცხადების ნაწილი ფიზიკურად. ეს არის მათი განცხადება, ვინც ამ მანდატების შეჩერებაზე შეიტანა განცხადება და რომელთა მიმართებითაც გრძელდება სპეკულაციები“,- განაცხადა ბოკერიამ.

შეგახსენებთ, რომ ოპოზიციურმა პარტიებმა განცხადება გაავრცელეს და „ქართულ ოცნებას" მიმართეს - "'დროულად დაუბრუნდეს მოლაპარაკებების მაგიდას და გააცნობიეროს, რომ კრიზისიდან ერთადერთი გამოსავალი ვადამდელი, დემოკრატიული არჩევნების ჩატარებაა"- ნათქვამია განცხადებაში.