ევროპული საქართველოს ერთ-ერთი ლიდერი, გიგა ბოკერია, ოპოზიციის საერთო განცხადებას ეხმაურება.

ბოკერიას თქმით, ბოლო დროის განმავლობაში, ივანიშვილის რეჟიმის პროპაგანდა აქტიურად ცდილობდა იმის წარმოჩენას, რომ ოპოზიციურ სპექტრში რაიმე შეიცვალა არსებითად.

ბოკერიამ აღნიშნა, რომ ამ განცხადების ავტორები არიან პოლიტიკური ძალები, ვინც მანიპულირებული შედეგებით გადალახეს საარჩევნო ბარიერი და უარი თქვეს მათ მანდატებზე, ხოლო ეს განცხადება საჭირო გახდა იმისათის, რომ სურათი უფრო მკაფიო და ცხადი გამხდარიყო.

ჟურნალისტის კითხვაზე, რატომ არ არიან ამ განცხადების ავტორების სიაში გირჩი და მოქალაქეები, ბოკერიამ აღნიშნა, რომ ისინი ფიზიკურად ვერ იქნებოდნენ ამ განცხადების ავტორები, რადგან მათ არ უთქვამთ უარი მათ სადეპუტატო მანდატებზე.

„ამ განცხადების შინაარსი და გზავნილი მარტივია, რომ ამ ბოლო პერიოდში, განსაკუთრებით ბევრ სიმულაციას ჰქონდა ადგილი და რაღაც მეტ-ნაკლებად წარმატებული პროპაგანდა იყო ივანიშვილის რეჟიმის მხრიდან განსაკუთრებით, რომ რაიმე შეიცვალა არსებითად, აირია, რაღაცა დიდი განხეთქილებაა ოპოზიციის რიგებში, ამ სპექტრში და ეს სიმართლეს არ შეესაბამება.

ამ ქვეყანაში უდიდესი ნაწილის პოზიცია არის ძალიან მყარი, ამ შემთხვევაში კი ფომალურად, ამ მანიპულირებული ციფრებითაც კი ვინც გადალახა ბარიერი და რომელთა მიმართაც ასეთი მოლოდინის შექმნის მცდლობა იყო, რომ ეხლა მოგიხსნით მანდატებს ან არ მოგიხსნით და მედიაში იქმნებოდა არარეალისტური სურათი, ამის მცდელობა იყო ივანიშვილის რეჟიმის პროპაგანდის მხრდიან და ამიტომ, საჭირო იყო მოკლე განცხადება ყველა იმ პოლიტიკური ძალის, რომელთაც მანდატებზე აქვთ ნათქვამი უარი, რომელთა დაკავშირებითაც ამდენი სპეკულაცია იყო, ამრიგად ეს განცხადება უფრო მკაფიოს და ცხადს ხდის ამ სურათს.

რაც შეეხება გირჩსა და ელისაშილს, მათ არც დაუწერიათ განხადება მანდატების შეჩერების თაობაზე, შესაბამისად, ვერც იქნებიან ისინი ამ განცხადების ნაწილი ფიზიკურად, რადგან ეს არის მათი განცხადება, ვინც ამ მანდატების შეჩერებაზე შეიტანა განცხადება და რომელთა მიმართებაშიც გრძელდება ეს სპეკულაციები.“ - განაცხადა ბოკერიამ.