ბათუმის მერიის თანამშრომელი სამსახურიდან პოლიტიკური ნიშნით გაათავისუფლეს - ლელა ჩხაიძე აცხადებს, რომ ის 31 დეკემბერს გაუშვეს, თუმცა, ამის შესახებ მხოლოდ გუშინ გაიგო.

როგორც მუნიციპალურ სამსახურში ჩხაიძეს განუცხადეს, შემცირება პანდემიას უკავშირდება, თუმცა ის ერთადერთი თანამშრომელია, რომელიც ამ "შემცირებაში" მოყვა.

თავად ლელა ჩხაიძე სამსახრუიდან გაშვებას ოპოზიციის აქციაზე დასწრებას უკავშირებს. მისი განმარტებით, ტელევიზიის ეთერში ხელმძღვანელობამ შეამჩნია, რომ ენმ-ს აქციაზე იმყოფებოდა, გარდა ამისა, არჩევნებზე ის მიმაგრებული იყო ერთ-ერთ უბანზე, სადაც "ოცნების" დეპუტატმა ლევან ვარშალომიძესთან წააგო.

ცოტა ხნის წინ ლელა ჩხაიძე ბათუმის მუნიცილაურ სამსახურში საკრებულოს წევრთან ლევან ანთაძესთან ერთად მივიდა, რათა მისი მოხსნის შესახებ განმარტება მოეესმინა, თუმცა მას ადგილზე არავინ დახვდა.

ცნობისთვის, ბათუმის მუნიციპალურ სამსახურს, "ოცნების" დეპუტატის რესან კონცელიძის შვილი არჩილ კონცელიძე ხელმძღვანელობს.