არასამთავრობო ორგანიზაცია "ალტერნატივას" წევრები ირაკლი ჩავლეიშვილის სასტუმროსთან აქციას მართავენ. როგორც ისინი აცხადებენ, ყოფილი რესპუბლიკელი მთავრობასთან გარიგების საფუძველზე შევიდა აჭარის უმაღლეს საბჭოში:

"მინდა გამოვეხმაურო ირაკლი ჩავლეიშვილის ბოლო განცხადებას, სადაც მან თქვა რომ ირაკლი არ არის ოჯახში გაზრდილი და ალბათ ამიტომ გააკეთა ეს ყველაფერი, მაგრამ მან იცოდა, რომ ირაკლი არის დევნილი აფხაზეთიდან და მისი მშობლები დაიღუპნენ... ასეთ ადამიანზე ვამბობთ, რომ ის არ იმსახურებდა... სწორედ ეს არის მაგალითი იმის, რომ დღეს არჩევნებს აყალბებენ და ხელისუფებასთან გარიგებაში არიან ადამიანები, ვისაც აქვს კერძი ბიზნეს ინტერესები", - განაცხადა ხათუნა ბერიძე.

შეგახსენებთ, რომ არასამთავრობო ორგანიზაცია "ალტერნატივას" წევრი ირაკლი ფანგანი პოლიციამ ბათუმში მომხდარი ინციდენტის გამო დააკავა - მან "რესპუბლიკური პარტიის" ყოფილ წევრს ირაკლი ჩავლეიშვილს, რომელმაც ბოიკოტის რეჟიმი შეწყვიტა და აჭარის უმაღლეს საბჭოში შევიდა, თავზე ნაგავი დააყარა.