ერთკვირიანი ვადა ოპოზიციას - მამუკა მდინარაძის ბრიფინგი

პოლიტიკა - 15:59, 25 Jan, 2021

827

საპარლამენტო უმრავლესობის ლიდერმა მამუკა მდინარაძემ ბრიფნგზე განაცხადა, რომ მანამ, სანამ ბოიკოტის რეჟიმში მყოფ ოპოზიციონერ დეპუტატებს მანდატებს გაუუქმებენ, ხელისუფლება მათ ერთკვირიან ვადას აძლევს მოსაფიქრებლად, შევლენ თუ არა საკანონმდებლო ორგანოში, წინააღმდეგ შემთვევაში, 2 თებერვალს სადეპუტატო უფლებამოსილებას ჩამოართმევენ:

"მიმდინარე კვირაში პარლამენტი შეიკრიბება რიგგარეშე სესიის ფარგლებში, სადაც განიხილება შემდეგი ძირითადი საკითხები, მათ შრის რეგლამენტში შესატანი ცვლილებების საკითხი. ოპოზიციის წარმომადგენელ პარლამენტის წევრებს შეეძლებათ, გაერთიანდნენ ჯგუფად და წარადგინონ პარლამენტის თავმჯდომარის მოადგილის და კომიტეტის თავმჯდომარის მოადგილის კანდიდატურები. ოპოზიციურ პარტიებს, რომლებიც ვერ ქმნიან ფრაქციებს ასევე შეეძლებათ, კიდევ უფრო აქტიურად ჩაერთონ საპარლამენტო განხილვებში, რისთვისაც მათ საპარლამენტო დებატებში გამოსვლისთვის დრო გაეზრდებათ 15 წუთამდე. ამასთან დაკავშირებით "ევროპელ სოციალისტებს" ქონდათ გარკვეული წინადადებები, ჩემთან და პარლამენტის თავმჯდომარესთან შეხვედრის დროს ალეკო ელისაშვილმაც დააფიქსირა წუხილი და ჩვენ მივიღეთ გადაწყვეტილება, რომ დრო გამოსვლებისთვის გაეზარდოთ 15 წუთი.
ვიცი, რომ გაინტერესებთ უფლებამოსილების შეწყვეტასთან დაკავშირებით, ჩვენ ვცდილობთ, რომ მაქსიმალურად ბოლო წუთამდე გავახანგრძლივოთ ვადა და ისე მივიღოთ გადაწყვეტილება, აქედან გამომდინარე, საპროცედურო საკითხთა კომიტეტი განიხილავს მათ განცხადებებს 27 და 28 იანვარს, შემდეგ წარედგინება ბიუროს რეგლმენტის თანახმად, აქედან გამომდინარე უკვე 2 თებერვალს საქართველოს პარლამენტი კენჭს უყრის მათი უფლებამოსილების შეწყვეტის საკითხს. ამ საკითხს" - განაცხადა მდინარაძემ.