ტურიზმის სექტორის წარმომადგენლებმა მთავრობას პეტიციით მიმართეს - კერძოდ, 5 პუნქტიანი პოსტკოვიდური სამოქმედო გეგმა შეიმუშავეს, თუ რა შეზღუდვების მოხსნა არის აუცილებელი იმისათვის, რომ ტურიზმი გადარჩეს.

როგორც აცხადებენ, მათი მთავარი მოთხოვნაა 1 თებერვალს სამთო-სათხილამურო კურორტები გაიხსნას და დროულად აღდგეს ფრენები.

"აუცილებელია 1 თებერვლიდან გაიხსნას სამთო-სათხილამურო კურორტები, რომ ამ კურორტებს, რომლებსაც მთელი სეზონი ჩაუვარდათ, ერთი თვე მაინც ჰქონდეთ, რომ რაღაც შესაძლებლობა ჰქონდეთ და დაასაქმონ თავიანთი თანამშრომლები.

გარდა ამისა, ერთ-ერთი ჩვენი მოთხოვნაა გაიხსნას საზღვრები, როგორც სახმელეთო, ასევე საჰაერო," - განაცხადა "ინნ ჯგუფის" აღმასრულებელმა დირექტორმა ერეკლე კოკაიამ.