ევროპული საქართველოს წევრი, ირმა ნადირაშვილი, პარლამენტის რეგლამენტის ცვლილებას ეხმაურება.

ნადირაშვილის თქმით, ეს არის რეგლამენტის მორგება ვაჭრობაზე, რაც ნიშნავს, რომ ქართულ ოცნების ლიდერებს არ აქვთ თავმოყვარეობა, ისევე როგორც ფრიდონ ინჯიას.

„ეს არის პირდაპირ რეგლამენტის მორგება ვაჭრობაზე, სხვა სახელი ამას უბრალოდ არ აქვს, როგორც ვიცით, ფრიდონ ინჯიასათვის უნდათ პარლამენტის ვიცე-სპიკერის პოსტი, თავი რომ დავანებოთ, სრული სირცხვილია ამ ოდიოზური, კორუმპირებული, შევარდნაძის დროინდელი ჩინოვნიკის პარლამენტშიც მოხვედრაც და შემდეგ უკვე ასეთი ვაჭრობის ფონზე ვიცე-სპიკერის თანამდებობის შეთავაზება, ეს ნიშნავს, რომ ქართული ოცნების ლიდერებს არ აქვთ თავმოყვარეობა და არც ბატონ ინჯიას არ აქვს თავმოყვარეობა, როდესაც ასეთ გარიგებებზე მიდიან და თანხმდებიან.

ეს ნიშნავს, რომ ეს არ არის საქართველოს უმაღლესი საკანონმდებლო ორგანო, ეს არის ერთ-ერთი ბაზრობა, სადაც ასეთი ფორმით ვაჭრობენ და თანამდებობას სთავაზობენ ოდიოზურ, კორუმპირებულ და სამარცხვინო ფრიდონ ინჯიას.“ - განაცხადა ნადირაშვილმა.