"ლეიბორისტული პარტიის" გენერალურმა მდივანმა გიორგი გუგავამ გადაცემა "მთავარ აქცენტებში" საუბრისას ოპოზიციის გეგმებსა და საპროტესტო ტალღით ხელისუფლების წინააღმდეგ ბრძოლაზე ისაუბრა. როგორც მან განმარტა, ეს არის ბრძოლა, სადაც უკან არავინ უნდა დაიხიოს:

"ქვეყანა ოლიგარქს ხელიდან უნდა გამოვგლიჯოთ და ამ ბრძოლაში უკან დახევა არ უნდა იყოს და არ უნდა ეთამაშო იმ თამაშის წესებით რასაც ოლიგარქი გთავაზობს და ეს უნდა გააცნობიეროს არა მარტო ოპოზიციამ, საზოგადოების თითოეულმა წევრმა. თუ ქვეშევრდომები ვართ, მაშინ ქვეშევრდომები ვიქნებით და ბატონი რასაც იტყვის ისე იქნება, თუ თავისუფალი ქვეყნის თავისუფალი მოქალაქეები ვართ, უნდა დავდგეთ იქ, სადაც ქარიშხალია, სადაც ქვეყანას სჭირდება, უნდა გამოვიდეთ და გავყაროთ კეტებით ესენი" - განაცხადა გუგავამ.