"ევროპული საქართველოს" წევრის, აკაკი ბობოხიძის შეფასებით, ბათუმში არასამთავრობო ორგანიზაციის "ალტერნატივას" დაკავებული წევრი ირაკლი ფანგანი პოლიტიკური პატიმარია. ბობოხიძის განმარტებით, ის შერჩევითი სამართლის მიხედვით დაკავებული პირია, რადგან, როდესაც თავდასხმის ობიექტი ოპოზიციის წარმომადგენელია, პოლიციის მხრიდან რეაგირება არ ხდება:

"ირაკლი ფანგანი არის პოლიტიკური პატიმარი იმიტომ, რომ საქართველოს ხელისუფლებას აქვს შერჩევითი სამართალი და ის არის შერჩევითი სამართლის მსხვერპლი. საქართველოს ხელისუფლება აორგანიზებს მსგავს აქტებს პოლიტიკური ოპოზიციის წინააღმდეგ და დაუყოვნებლივ რეაგირებს, როდესაც ეს პირიქით უბრუნდება მას. ამიტომ, ფანგანი ცალსახად არის პოლიტიკური პატიმარი" - განაცხადა ბობოხძემ "მთავარი არხის" ეთერში.