შეზღუდვების მოხსნის მოთხოვნით ორიგი აქცია ამჯერად მზიურში გაიმართა - მშობლები სკოლების გახსნას ითხოვენ და აცხადებენ, რომ ხელისუფლება ბავშვებისა და მშობლების ინტერესებსა თუ საჭიროებებს არ ითვალისწინებს. აქციის მონაწილეების განცხადებით, მთავრობა გადაწყვეტილების მიღების პროცესში დაინტერესებულ მხარეებსაც უნდა რთავდეს:

"დემოკრატიული საზოგადოებისთვის მნიშვნელოვანია ის, რომ ხელისუფლება, გადაწყვეტილებების მიღების დროს, ერთი მხრივ, რთავდეს დაინტერესებულ მხარეებს და მეორე მხრივ, მიღებული გადაწყვეტილების განმარტავდეს და მიზეზ-შედეგობრივ კავშირებსაც უნდა ხსნიდეს. ჩვენს შემთხვევაში არის იმპერიალისტურ-ტოტალიტარული მიდგომა, თითქოს შუა საუკუნეების ქვეყანა ვიყოთ. გვაცნობენ მხოლოდ გადაწყვეტილების შინაარსს. უფრო გამჭვირვალე თუ იქნება ეს პროცესი, ჩვენი ქვეყნის განვითარებისთვის უკეთესი იქნება" - განაცხადა რევაზ აფხაზავამ.

შეგახსენებთ, რომ შეზღუდვების გაუქმების მოთხოვნით დღეს საქართველოს სხვადასხვა ლოკაციაზე აქციები იმართება.