კანცელარიასთან სამოქალაქო აქტივისტები, არასამთავრობო ორგანიზაციის წევრები, დახურული ბიზნესის წარმომადგენლები და პოლიტიკოსები გახანგრძლივებული შეზღუდვების გაუქმების მოთხოვნით აქციას მართავენ.

აქციის მონაწილეების თქმით, იმ შემთხვევაში, თუ ხელისუფლება მოთხოვნას არ შეასრულებს, საპროტესტო ტალღა მასშტაბური გახდება და ის პერმანენტულ ხასიათს მიიღებს:

"ეს არის შანტაჟი, რასაც ხელისუფლება თავისი მოქალაქეების წინააღმდეგ ახორციელებს. დღეს გაჟღერდება და კონკრეტული ვადა მიეცემა ხელისუფლებას იმ მოთხოვნების შესასრულებლად, რომელსაც ჩვენ წავაყენებთ. ეს არის გამაფრთხილებელი აქცია, მოთხოვნების არ შესრულების შემთხვევაში მოვა გაცილებთ მეტი და უკვე სხვანაირად მოვითხოვთ იმას, რაც გვეკუთვნის - ეს არის პირველ რიგში არჩევანის თავისუფლება",- განაცხადა აქციის ერთ-ერთმა ორგანიზატორმა.

შეგახსენებთ, რომ 22 იანვარს საკოორდინაციო საბჭოს დასრულების შემდეგ მთავრობამ დაწესებული შეზღუდვების დიდი ნაწილის გახანგრძლივების შესახებ აუწყა საზოგადოებას.