ქვეყნის მასშტაბით დღეს რამდენიმე ადგილზე აქცია გაიმართა - უკმაყოფილო მოსახლეობა თბილისის რამდენიმე წერტილში ერთდროულად გამოვიდა. აქციის მონაწილეები გახანგრძლივებულ შეზღუდვებს აპროტესტებდნენ.

მოძრაობა "ერთიანი ახალგაზრდობა საქართველოსთვის" წარმომადგენლებმა და "ლეიბორისტული პარტიის" ახალგაზრდული ფრთის წევრებმა ჯაჭვების აქცია მერიასთან გამართეს.

ადგილზე ვითარება რამდენჯერმე დაიძაბა. ახალგაზრდებმა მანქანების პარკინგის შესასვლელთან სიმბოლურად ჯაჭვი მიიტანეს და შესასვლელი ჩაკეტეს, რაც პოლიციასთან დაპირისპირებაში გადაიზარდა. საბოლოოდ პოლიციამ აქციის მონაწილეები ძალის გამოყენებით გადაწია ადგილიდან, რათა სადგომზე მანქანებს შესვლა შეძლებოდათ.

ხმაური იყო აქცია ლილოში, სადაც "ლილო-მოლის" მოვაჭრეებმა გზის სავალი ნაწილი გადაკეტეს. მათი თქმით, ადგილზე გავიდნენ, რადგან სხვა მოვაჭრეები იქ მანქანებში განთავსებულ პროდუქციას ყიდიან. მოვაჭრეები ითხოვენ, რომ პირველი თებერვლიდან "ლილო-მოლი" გაიხსნას, წინააღმდეგ შემთხვევაში ისინი აქციებს გააგრძელებენ.

ადგილზე დაპირისპირება მოხდა "ლილო-მოლის" მოვაჭრეებსა და იმ მოვაჭრეებს შორის, რომლებიც პორდუქციას მანქანებიდან ყიდიან.

ახალგაზრდებმა აქცია გამართეს სალომე ზურაბიშვილის რეზიდენციასთან და "პრეზიდენტის ანტისახელმწიფიებრივი განცხადებები" კიდევ ერთხალ დაგმეს.

შეგახსენებთ, აქცია ხვალაც გაიმართება. "არა პოლიტიკურ LOCKDOWN-ს!" - ასე ერქმევა აქვიას, რომელიც 11 საათზე კანცელარიასთან გაიმართება. გამოქვეყნდა იგივე სათაურის მონიფესტიც, რომელსაც ხელს სხვადასხვა არასამთავრობო ორგანიზაციები აწერენ.

თბილისში შეზღუდვებს სხვადასხვა აქციებზე ზეგ, 25 იანვარსაც გააპროტესტებენ.