"რაც უნდა ხალხს, ჩვენს ქვეყანას -არის მიღწევადი მხოლოდ ხელისუფლების შეცვლით! "

"რაც უნდა ხალხს, ჩვენს ქვეყანას -არის მიღწევადი მხოლოდ ხელისუფლების შეცვლით! " - ზურაბ მელიქიშვილი

პოლიტიკა - 18:26, 22 Jan, 2021

875

"ერთიანი ნაციონალური მოძრაობის" წევრი, ზურაბ მელიქიშვილი, სოციალურ ქსელში ვრცელ პოსტს აქვენებს და მოუწოდებს კოლეგებს ოპოზიციაში , რომ ხალხის მთავარი დაკვეთისთვის უფრო მედგრან იბრძოლონ.მელიქიშვილი თვლის, რომ დღეს პარლამენტში შესვლა არის გახანგრძლივება იმ უბედურების რაც დღეს ხდება ქვეყანაში - მისივე თქმით, ყველაფერი იქნება მიღწევადი და შესაძლებელი, მხოლოდ ხელისუფლების შეცვლის შემდეგ.
"ხალხმა მხარი დაუჭირა ხელისუფლების ცვლილებას! - ეს არის მოცემულობა. ხალხის მოთხოვნაა შეჩერდეს ნგრევა, უიმედობა, სიღარიბე.... პენსიონერს უნდა ღირსეული პენსია და არა საპარლამენტო ტრიბუნიდან ჩვენგან ხელისუფლების ომახიანი ლანძღვით გულის მოფხანა... ულუკმაპუროს უნდა საკვები და არა საპარლამენტო ტრიბუნიდან ჩვენგან მკერდზე მჯიხის ცემით მთავრობის გაკიცხვა.... უმუშევრად დარჩენილს ჩვენგან სამუშაო ადგილის შექმნა უნდა და არა საპარლამენტო ტრიბუნიდან უვარგისი მთავრობის დამუნათება... ემიგრაციაში იძულებით წასულ ჩვენს ხალხს უნდა პირობების შექმნა, რათა საქართველოში თავის მიწა-წყალზე შეძლონ დაბრუნება და არა პარლამენტის ტრიბუნიდან პათეტიკით გაჯერებული ტექსტით ჩვენგან თავის მოწონება იხილონ არაფრისმაქნისი მთავრობის ფონზე....და რაც უნდა ხალხს, ჩვენს ქვეყანას -არის მიღწევადი მხოლოდ ხელისუფლების შეცვლით! სწორედ ეს არჩევანი გააკეთა ხალხმა არჩევნებზე , სწორედ ამიტომ პარლამენტში შესვლა არის გახანგრძლივება იმ უბედურების რაც დღეს ხდება ქვეყანაში...ამის საწინააღმდეგო არგუმენტი არ არსებობს.წართმეული არჩევნების ფონზე, მოვუწოდებ ჩვენს კოლეგებს ოპოზიციაში, რომ ხალხის მთავარი დაკვეთისთვის უფრო მედგრად ვიბრძოლოთ. უფრო მეტად ვეძებოთ ერთმანეთთან დაახლოვების წერტილები , რადგან ხალხმა დაგვაყენა ერთად ამ ბრძოლის წინა ხაზზე და ეს მისია უნდა შევასრულოთ პირნათლად! ერთმანეთთან პიროვნულმა დამოკიდებულებამ არ უნდა დაგვაშვებინოს ამ ბრძოლისთვის ტრაგიკული შეცდომა, რადგან თუ როგორ სწორად, თანმიმდევრულად და ძლიერად მივალთ მიზნამდე - ამაზეა დამოკიდებული საქართველოს აწმყოც და მომავალიც", - წერს ზურაბ მელიქიშვილი "ფეისბუქზე".