"მოქალაქეების" ლიდერი ალეკო ელისაშვილი აცხადებს, რომ მას ,,ლელოს" ლიდერთან მამუკა ხაზარაძესთან ინციდენტი არ დაუგეგმავს და არც დაუწყია.

მისივე თქმით, მას მხოლოდ ხაზარაძის შეურაცხყოფაზე ჰქონდა რეაქცია.

ელისაშვილი ამბობს, რომ ბოდიში არ აქვს მოსახდელი და არც მომხდარს ნანობს.

,,როცა სადმე შეცდომას დავუშვებ და მივხვდები, რომ ეს შეცდომა იყო, ბოდიშს მოვიხდი, არ მაქვს პრობლემა, მაგრამ ხაზარაძესთან მიმართებით, მე არც დამიგეგმავს ეს და არც შეურცხყოფა დამიწყია. მე მქონდა რეაქცია შეურაცხყოფაზე და ეს იყო ჩემი პასუხი. არავის ვაპატიებ არასდროს ჩემს შეურაცხყოფას, ეს ყველამ გაითვალსიწინოს. შესაბამისად, რა ბოდიში, რის ბოდიში, ღმერთმა დამიფაროს“, - განაცხადა ელისაშვილმა ,,პალიტრანიუსის" ეთერში.