სასამართლო პროცესებს იყენებენ ზეწოლისათვის, უბრალოდ არ ესმით, რომ ადამიანების გატეხვა არის შეუძლებელი, ყველა ადამიანი ვერ იქნება ისეთი მონა, როგორიც არის დაჩი ბერაია ან დიმიტრი ხუნდაძე

სასამართლო პროცესებს იყენებენ ზეწოლისათვის, უბრალოდ არ ესმით, რომ ადამიანების გატეხვა არის შეუძლებელი, ყველა ადამიანი ვერ იქნება ისეთი მონა, როგორიც არის დაჩი ბერაია ან დიმიტრი ხუნდაძე - ნადირაშვილი

პოლიტიკა - 14:20, 20 Jan, 2021

757

ევროპული საქართველოს წევრი, ირმა ნადირაშვილი, ნიკა გვარამიას სასამართლო პროცესის ჩანიშვნას ეხმაურება.

ნადირაშვილის თქმით, წლების განმავლობაში საზოგადოება არის მომსწრე დევნის იმ ადამიანების მიმართ, ვინც ეწინააღმდეგება ბიძინა ივანიშვილს და მის რეჟიმს.

ნადირაშვილმა აღნიშნა, რომ ივანიშვილის მემკვიდრეობა, იმის ნაცვლად რომ აღმოფხვრას პოლიტიკური კრიზისი და გამოუშვას ციხეში მყოფი ადამიანები, ცდილობს პოლიტპატიმრების რიცხვის გაზრდას.

„ჩვენ წლების განმავლობაში ვართ მომსწრე დევნის იმ ადამიანების მიმართ, ვინც აზროვნებს განსხვავებულად ბიძინა ივანიშვილისგან, ვინც პრობლემებს უქმნის ივანიშვილის რეჟიმს და შესაბამისად, ეს არის კატა-თაგვობანას თამაში ჩვეულებრივად, როგორც კი რამე არ მოსწონს ხელისუფლებას, ისინი პირდაპირ ჩანიშნავენ ხოლმე სასამართლო პროცესებს და ამას იყენებენ ზეწოლისათვის, უბრალოდ არ ესმით, რომ ადამიანების გატეხვა არის შეუძლებელი, ყველა ადამიანი ვერ იქნება ისეთი მონა, როგორიც არის სიტყვაზე დაჩი ბერაია ან დიმიტრი ხუნდაძე.

ადამიანებს აქვთ თავისი შეხედულებები, ღირებულებები და რჩებიან ამ ღირებულებების ერთგული, იმის და მიუხედავად, რამდენ სასამართლო პროცესს დაკიდებ მათ თავზე. ერთიმხრივ, ეს კომიკური ვითარებაცაა, ჩვენ ვიცით, რომ ერთი თვის წინ ერთბაშად რამდენიმე პროცესი ჩანიშნეს, შემდეგ თქვეს, რომ ეს არის პანდემია და პროცესები აღარ უნდა გაიმართოს, ეხლა აღარ არის პანდემია და დავამარცხეთ კოვიდი, თუ არ მესმის რა ახნას მოუძებნიან, მაგრამ ძირითადად ხელისუფლება არ იმტვრევს ხოლმე თავს, რომ არგუმენტები დაასახელოს რაიმეს სასარგებლოდ ან საწინააღმდეგოდ, ისინი ჩვეულებრივად ამბობენ ხოლმე, რომ თეთრი არის შავი.

ცხადია, მაშინ როდესაც საუბარია ციხეში მყოფი პოლიტპატიმრების გამოშვებაზე და ეს სახელდება ერთ-ერთ პირობად, რათა ეს კრიზისი აღმოიფხვრას, რომელიც არის დღეს ქვეყანაში არჩევნების მოპარვის გამო, ამის ნაცვლად ბიძინა ივანიშვილის მემკვიდრეობა ცდილობს პოლიტპატიმრების რიცხვის გაზრდას.“ - განაცხადა ნადირაშვილმა.