ნატო-ს გენერალური მდივანი იენს სტოლტენბერგი ონლაინ კონფერენციაზე სიტყვით გამოსვლისას საქართველოს ჩრდილოეთ ალიანსში გაწევრიანების საკითხს შეეხო და განაცხადა, რომ რუსეთი ვერ შეუშლის ხელს საქართველოს ნატოში გაწევრიანების პროცესს:

"საქართველოს სურს, გახდეს ნატოს წევრი და რუსეთი ამას ვერ შეაჩერებს. გახდება თუ არა საქართველო ნატოს წევრი, ეს მხოლოდ საქართველოსა და წევრი ქვეყნების გადასაწყვეტია, რადგან სხვა ყველაფერი იქნება სუვერენული ქვეყნის სუვერენული უფლებების შელახვა. რა თქმა უნდა, შეიძლება გქონდეთ სხვადასხვანაირი არგუმენტები, მაგრამ რუსეთის გადასაწყვეტი არ არის, საქართველო რას გააკეთებს" - განაცხადა სტოლტენბერგმა.