"ერთიანი ნაციონალური მოძრაობის" ერთ-ერთი ლიდერი, ხატია დეკანოიძის შეფასებით, ალეკო ელისაშვილის განცხადება გიორგი რურუას ციხეში დატოვებაზე არის "მძიმე" და "დამაზიანებელი" .

დეკანოიძემ განაცხადა, რომ რურუას პატიმრობაში დატოვების ოპოზიციისთვის დაბრალება "ხელისუფლებას უქმნის კომფორტს, საკვები მიიღოს".

"ალეკო ელისაშვილმა ძალიან მძიმე და მისთვისვე დამაზიანებელი განცხადება გააკეთა გიორგი რურუასთან დაკავშირებით. ჩვენ უნდა გვესმოდეს, რომ ამ ქვეყანაში კანონის უზენაესობასთან დაკავშირებულ მახინჯ ნორმებზე თუ ვინმეა პასუხისმგებელი, ეს არის ხელისუფლება.

როდესაც მართლმსაჯულება გამოიყენება პოლიტიკური მოტივაციისთვის, რაიმე სახის პირობის გატეხვაზე, ვაჭრობაზე და ა.შ. საუბარი არ უნდა იყოს. ეს არის ჩვეულებრივად დაუწერელი კანონი ცივილური სამყაროსი.

ესაა მძიმე განცხადება, რომელიც მხოლოდ მას კიარა, ხელისუფლებას უქმნის კომფორტს, საკვები მიიღოს და ტქვას, აი ნახე ოპოზიცია ამბობს, ეს ჩემი ბრალი არა, თურმე ოპოზიციის ბრალი ყოფილა. მოკლედ კატეგორიულად მიურებელი განცხადებაა", - ამბობს დეკანოიძე.