ჟურნალისტმა ელისო კილაძემ გადაცემა "მთავარ აქცენტებში" ივანიშვილის ქონებაზე ისაუბრა და განაცხადა, რომ საავიაციო ქარხანაში ის ბიტკოინებს გამოიმუშავებს. მისი განმარტებით, რუსული კომპანიების წარმომადგენლებს საავიაციო ქარხნის შესყიდვა სურთ:

ჟურნალისტ ელისო კილაძის ინფორმაციით, ერთერთი სტრატეგიული ობიექტი, სადაც ივანიშვილი ბიტკოინებს გამოიმუშავებს, საავიაციო ქარხანაა. კილაძის თქმით, სწორედ, საავიაციოს ელექტროენერგიას მოიხმარს მაინერები, რომელიც დიდი რაოდენობით ბიკოინებს გამოიმუშავებს.

"ბიტკოინებთან დაკავშირებით - სვანეთი და გალი - კიდევ სად აქვთ? - საავიაციო ქარხანაში. და საავიაციო ქარხნის დენს მოიხმარს ის მაინერები, რომლითაც ბიძინა ივანიშვილის ბიტკოინები გამომუშავდება. საავიაციო ქარხანა არის ქვეყნის სტრატეგიული დანიშნულების ობიექტი.

საავიაციო ქარხანაში ნათელა თურნავას და ირაკლი ღარიბაშვილს უკვე ჰყავდათ ჩამოყვანილი რუსული კომპანიების წარმომადგენლები, რომელთაც საერთოდ უნდათ, რომ იყიდონ საავიაციო ქარხანა. დაქცეულია ეს ქვეყანა ", - განაცხადა ელისო კილაძემ