"მე ერთ რამეს გეტყვით: თქვენ იქ კანონებს ვერ მიიღებთ, თავად კარგად თქვით, ერთადერთი რაც შეგიძლიათ, ბუფეტს მიაკითხოთ პარლამენტში, ტვიქსი იყიდოთ და გაიყოთ. მიირთვათ და დაგვანებოთ თავი" - ასე მიმართა "სტერატეგია აღმაშენებლის" წევრმა, თაკო ჩარკვიანმა "მოქალაქეების" თავმჯდომარეს, ლევან იოსელიანს და უთხრა, რომ თუ პარლამენტში შევლენ, უფუნქციოები იქნებიან.

"რაც შეეხება ლევანს და ალეკოს მართლა გულწრფელად ვამბობ, ბიჭებო, მართლა მენანებით, უკვე ცუდად გამოიყურებით ეკრანზე, მერწმუნეთ მე დავბერდი ტელევიზიაში. გეტყვით ერთ რამეს, თქვენ იქ კანონებს ვერ მიიღებთ, თავად კარგად თქვით. ერთადერთი, რაც შეგიძლიათ "ბუფეტს" მიაკითხოთ პარლამენტში, შოკოლადი "ტვიქსი" იყიდოთ, გაიყოთ, პარლამენტში, მიირთვათ და დაგვანებოთ თავი ბრძოლაში იმიტომ, რომ ქვეყანა არის გადასარჩენი და თქვენი რაღაც კორუფციული მამაძაღლობისთვის არ გვცალია... თქვენ ანგრევთ ოპოზიციის მონაპოვარს, არ მოგცემთ ამის უფლებას", - ამბობს თაკო ჩარკვიანი.