"ბრძოლას ყოველთვის აქვს აზრი, თავისუფლება გადამწყვეტია, საქართველო ბიძინა ივანიშვილის "ბუტკა" არასოდეს არ გახდება" - "ოცნების" ყრილობისას დაკავებული აქტივისტი

პოლიტიკა - 18:44, 16 Jan, 2021

1230

ქართული ოცნების ყრილობისას დაკავებული ათივე აქტივისტი ხელწერილის საუძველზე გაათავისუფლეს.ერთ-ერთი დაკავებულის, გიორგი მუმლაძის თქმით, პოლიციამ ძალიან დიდი ძალა გამოიყენა იმისათვის, რომ აქტივისტებს ბანერი არ გაეშალათ.მისი თქმით, სამართალდამცავები გამოირჩეოდნენ როგორც ფიზიკური, ასევე სიტყვიერი შეურაცხყოფით.
გიორგი მუმლაძე მოუწოდებს ყველას, რომ ბრძოლას ყოველთვის აქვს აზრი. მისი თქმით, საქართველო ბიძინა ივანიშვილის ბუტკა არასოდეს არ გახდება.

"დღეს იყო ხმების ქურდების ყრილობა, ვისაც უნდა, რომ დამყარდეს დიქტატურა და მოგვპარონ დემოკრატიული მომავალი, ჩვენ სამოქალაქო აქტივისტები-მოძრაობა საქართველოსთვის და ყველა ის ადამიანი, ვისაც საქართველო უყვარს არ დავუშვებთ ამას და ვიბრძოლებთ ყველა ნაბიჯზე და მივაღწევთ იმას, რომ საქარველოში ჩატარდეს ვადამდელი არჩევნები და შეიცვალოს დემოკრატიულად ხელისუფლება. ამ ფონზე ჩვენ ბუნებრივია ვაპროტესტებდით დღევანდელ ყრილობას, რისი საშუაებაც არ მოგვცა პოლიციამ და არანორმალურად დიდი ძალა გამოიყენა იმისთვის, რომ ელემენტარულად ბანერი არ გაგვეშალა, რასაც მოჰყვა ესკალაცია და პირადად ჩემი დაკავებისას პოლიცია იყო ძალიან აგრესიული ,გამოირჩეოდნენ როგორც ფიზიკური, ისე სიტყვიერი შეურაცხყოფით და ჩვენ ამ დეტალებს გამოვიკვლევთ, ქვეყანაში კანონდარღვევა არავის შერჩება, საქართველოში აუცილებლად გაიმარჯვებს კანონინს უზენაესობა და სამართლებრივ ქვეყანას ავაშენებთ.ეხლა კი მინდა მოვუწოდო ყველას, ბრძოლას ყოველთვის აქვს აზრი, თავისუფლება ამ ქვეყანაში გადამწყვეტია. საქართველო ბიძინა ივანიშვილის ბუტკა არასოდეს არ გახდება. საქართველო არასდროს გახდება რუსეთი" - აცხადებს სამოქალაქო აქტივისტი გიორგი მუმლაძე.