ნინო ანანიაშვილის სკანდალური გადაწყვეტილების დეტალები - ირკვევა, რომ პრიმაბალერინა დათანხმდა , რომ ახალი თანამდებობის დაკავების შემთხვევაში მას რუს ბალერინად მოიხენიებდნენ, რაზეც ის დათანხმდა.

კიხმანი ქართველ პრიმაბალერინასთან მიღწეული შეთანხმების დეტალებს ასაჯაროვებს და ანანიაშვილს ტყუილში ამხელს.

მისი თქმით, ანანიაშვილმა დაარღვია დაუწერელი წესი, რომელიც ხელოვნების სფეროშია მიღებული - სამხატვრო ხელმძღვანელთან ან გენერალურ დირექტორთან შეუთანხმებლად ნებისმიერი პიარ-აქტივობა დაუშვებელია

"ჩვენს თეატრში დანიშვნის შესახებ ინტერვიუში საუბრით ნინო ანანიაშვილმა დაარღვია ჩვენი შეთანხმება. თებერვალში მის გასაცნობად თბილისში ჩავედი. შევაფასე ყველა რისკი, მაგრამ მაინც ვთხოვე, რომ ჩვენთან ემუშავა - ჩემთვის პრინციპული საკითხია, რომ ის რუსი ბალერინაა. ნინო დიდხანს ფიქრობდა, ჩამოვიდა ნოვოსიბირსკში, დაათვალიერა თეატრი, შემდეგ კი სანკტ-პეტერბურგში მასთან ერთად კონტრაქტის ყველა დეტალი გავიარეთ. არანაირი დოკუმენტებისთვის ხელი არ მოგვიწერია - ხელოვან ადამიანებში მიღებული წესია, რომ სამხატვრო ხელმძღვანელთან ან გენერალურ დირექტორთან შეუთანხმებლად ნებისმიერი პიარ-აქტივობა დაუშვებელია. ამ ინტერვიუთი ნინო ანანიაშვილმა უპატივცემულობა გამოიჩინა, პირველ რიგში კოლექტივის მიმართ. ინტერვიუში ბევრი რამ იყო ისეთი, რაც განსხვავდებოდა ჩვენი საუბრის შინაარსისგან, მათ შორის ნაწილი მისი მოტივაციის შესახებ. ასე მუშაობის დაწყება არ შეიძლება: პატარა ტყუილი დიდ ტყუილს წარმოშობს. ასეთ შემთხვევაში მე ადამიანთან ერთად მუშაობა არ შემიძლია. პირველ რიგში ჩემთვის ადამიანური თვისებებია მნიშვნელოვანი, ხოლო შემდეგ - პროფესიონალური“, - აცხადებს კეხმანი რუსულ მედიასთან.

შეგახსენებთ, რომ რამდენიმე დღის წინ ნოვოსიბირკის თეატრმა ნინო ანანიაშვილის დასის ხელმძღვანელობაზე უარი თქვა და მასთან დადებული კონტრაქტი ვადაზე ადრე შეუწყვიტეს.