გიგლა ბარამიძე პარტიის, "ერთიანი საქართველო– დემოკრატიული მოძრაობა" ,დატოვების შემდეგ პირველ კომენტარს აკეთებს და აცხადებს, რომ პარტიიდან წასვლის მიზეზი სხვა პარტიაში წასვლა არაა და ეს მისი სტილი არ არის.

"მივიღე გადაწყვეტილება, რომ დამეტოვებინა, პარტია და გენერალური მდივნის თანამდებობა, ამის განსაკუთრებული მიზეზები არ უნდა მოვძებნოთ, ეს არის ჩემი ჩამოყალიბებული სურვილი, რა თქმა უნდა ამ დღეებში მქონდა მე საუბრები პარტიის თავმჯდომარესთან, ჩემს კოლეგებთან და მათ გავაცანი ჩემი მოსაზრება, რომ დასრულდა ჩემი მოღვაწეობის ერთი ეტაპი. არანაირ სხვაგან წასვლაზე, არ არის საუბარი, ეს ჩემი სტილი არ არის, მე დავტოვე იქ მეგობრები" , –ამბობს გიგლა ბარამიძე

"დემოკრატიულ მოძრაობაში" აცხადებენ, რომ ბარამიძის გადაწყვეტილების შესახებ იცოდნენ და ისინიც გამორიცხავენ, რომ გადაწყვეტილება 2020 წლის საპარლამენტო არჩევნებს უკავშირდება.