45 დღე გავიდა და ჩვენ არ ვაპირებთ გაჩერებას მანამ, სანამ ვადამდელი არჩევნები არ დაინიშნება

45 დღე გავიდა და ჩვენ არ ვაპირებთ გაჩერებას მანამ, სანამ ვადამდელი არჩევნები არ დაინიშნება - კახა კვეკვესკირი

პოლიტიკა - 17:57, 14 Jan, 2021

1099

პარლამენტთან კარავში შეკრებილი სამოქალაქო აქტივისტები დღეს ეროვნულ-დემოკრატიული პარტიის ლიდერმა ბაჩუკი ქარდავამ მოინახულა. აქტივისტები უკვე 45-ე დღეა კარავში იმყოფებიან და მიტაცებულ არჩევნებს აპროტესტებენ.
მოძრაობა "საქართველოსთვის" წევრმა კახა კვეკვესკირმა კიდევ ერთხელ გააჟღერა ის მოთხოვნები, რომლის გამოც ისინი მთელ ამ პერიოდს პარლამენტთან ატარებენ - ეს არის ვადამდელი არჩევნები და საარჩევნო გარემოს შეცვლა:
"ჩვენ, სამოალაქო აქტივისტები შევიკრიბეთ აქ 45 დღის წინ გაყალბებული არჩევნების გასაპროტესტებლად. 45 დღე გავიდა და ჩვენ არ ვაპირებთ გაჩერებას მანამ, სანამ არ დაკმაყოფილდება ის მოთხოვნები, რაც ჩვენ გავაჟღერეთ პირველ დღეს - ეს არის ხელახალი არჩევნები. მოგეხსენებათ, რომ არჩევნების შედეგების გამოცხადების შემდეგ ბათუმშიც კარვები გაიშალა და თავისუფლების კვარტალი ეწოდა. მათთვის სოლიდარობის გამოსაცხადებლად, ჩვენ დედაქალაქში გავშალეთ კარვები. გარდა ამისა, კარვები გაიშალა თელავშიც და აუცილებლად გაიშლება სხვა ქალაქებშიც. მე მინდა, პერსონალურად ბატონ ბაჩუკი ქარდავას და მის მეგობრებს გადავუხადო მადლობა სოლიდარობისთვის, დღეს რომ მობრძანდა. მანამდეც გვქონდა კომუნიკაცია, მაგრამ დღეს ოფიციაურად მობრძანდა და გამოგვიცხადა სოლიდარობა. საზოგადოებას ვეტყოდი, რომ ერთადერთი გზა ამ ხელისუფლების გასასტუმრებლად დარჩა ქუჩის აქციები იმიტომ, რომ ყველანაირი სხვა მეთოდი ამოწურულია. დავინახეთ, რომ არჩევნები თავზე გადაგვახიეს და ქუჩა გადაწყვეტს ამ ქვეყნის ბედს" - განაცხადა კვეკვესკირმა.