ამერიკის ახალარჩეული პრეზიდენტის, ჯო ბაიდენის ინაუგურაციის წამყვანი ცნობილი ამერიკელი მსახიობი, ტომ ჰენქსი, იქნება. ცერემონია 20 იანვარს გაიმართება - ამის შესახებ ინფორმაციას Reuter-ი ავრცელებს.

ინაუგურაციის ხანგრძლივობა 90 წუთი იქნება, მის სახელწოდებად კი “Celebrating America” შეირჩა. მასში მონაწილეობას მიიღებენ ჯონ ბოვი, ჯასთინ თიმბერლეიქი, დემი ლოვატო და სხვა ვარსკვლავები.

კორონავირუსის გამო, ცერემონიაზე დამსწრეთა რიცხვი მინიმუმამდეა შემცირებული. “Celebrating America” პირდაპირ ეთერში გავა ისეთ არხებზე, როგორებიცაა - CBS, ABC, CNN, NBC და MSNBC. მისი ყურება YouTube, Facebook, Twitter პლატფორმებითაც იქნება შესაძლებელი.