ჩოხატაურის მუნიციპალიტეტის სოფელ ბუკნარში მუსლიმი თემისა და ადგილობრივი ხელისუფლების წარმომადგენლებს შორის მოლაპარაკებები მიმდინარეობს - ბოლო ინფორმაციით , ადგილზე სიტუაცია განმუხტულია.

ჩოხატაურის მერის, ირაკლი კუჭავას თქმით, მიმდინარეობს დიალოგი მუსლიმურ თემსა და ადგილობრივი ხელისუფლების წარმომადგენლებს შორის გუბერნატორის ჩართულობით.

ცნობისთვის, მუსლიმი თემის წარმომადგენლები ითხოვენ, რომ მუსლიმურ სამლოცველოში ლოცვის საშუალება ჰქონდეთ. მათი ინფორმაციით, აღნიშნულს ადგილობრივი ქრისტიანული მოსახლეობა ეწინააღმდეგება. ჩოხატაურის მერის ინფორმაციით, სოფელ ბუკნარში მუსლიმ და ქრისტიანული თემის წარმომადგენლებს შორის დაპირისპირება ერთ-ერთ სახლში არსებულ სალოცავს უკავშირდება.