ევროპული საქართველოს ერთ-ერთი ლიდერი, გიგი უგულავა, ბიძინა ივანიშვილის პოლიტიკიდან წასვლასა და მის სატელევიზიო ინტერვიუს ეხმაურება.

უგულავას თქმით, პარტიის თავჯდომარედ კობახიძის დატოვება იმას ნიშნავს, რომ ივანიშვილი აპირებს ბერკეტების შენარჩუნებას.

უგულავამ აღნიშნა, რომ სურვილი, აკონტროლებდე ოპოზიციასაც და ხელისუფლებასაც, არის ავტორიტარული და დიქტატორული რეჟიმების სურვილი, ხოლო ეს სურვილი ივანიშვილმა ღიად გამოთქვა.

„ის, რომ კობახიძე დატოვა პარტიის თავმჯდომარედ, ნიშნავს, რომ ის არსად არ წასულა, იმიტომ რომ ყველაზე მეტი უვარგისი და ყველაზე მეტად მონა დატოვა თავის შემცვლელად, რაც ნიშნავს იმას, რომ ის აპირებს ბერკეტების შენარჩუნებას. ზოგადად სურვილი, რომ აკონტროლებდე ხელისუფლებასაც და ოპოზიციასაც, ეს არის ავტორიტარული და დიქტატორული რეჟიმების სურვილი და მან ეს ღიად გამოთქვა, მაგრამ ერთია სურვილი, მეორეა რეალობა, რვა წელიწადი ის ამ სურვილს ახმოვანებდა, სურდა შეექმნა ხელოვნური ოპოზიცია, ხელისუფლება როცა იწყებს კონსტრუქციულ ოპოზიციაზე საუბარს ის ხელისუფლება საზოგადოებამ პანჩურით უნდა გააგდოს, ივანიშვილი არის ქართველი ერისთვის ბოროტი ძიძა, რომელმაც მხოლოდ და მხოლოდ უბედურებები და ჭრილობები მოუტანა " , - განაცხადა უგულავამ.