ენმ-ს წევრი, ხატია დეკანოიძე ამბობს, რომ მისთვის მიუღებელია ოკუპანტ ქვეყანაში კარიერის გაგრძელება, თუნდაც შემოქმედებითი მიმართულებით, ამიტომ, ისურვებდა, ნინო ანანიაშვილს საერთოდ არ მიეღო გადაწყვეტილება ნოვოსიბირსკის საბალეტო დასის ხელმძღვანელობაზე.

"ჩემთვის, როგორც საქართველოს მოქალაქისთვის და როგორც ადამიანისთვის, რომელსაც კარგად ესმის რას ნიშნავს სამხედრო აგრესია, რომელიც დღემდე გრძელდება, ჩემთვის მიუღებელია ოკუპანტ ქვეყანაში, თუნდაც ხელოვნების და შემოქმედების მიმართულებით, რაიმე სახის კარიერის გაგრძელება. მე ასე ვუყურებ, ამ ჭრილში ვუყურებ და თავის დროზე, როდესაც ქალბატონმა ნინომ ეს გადაწყვეტილება მიიღო, ვისურვებდი, რომ არ მიეღო", - განაცხადა ხატია დეკანოიძემ TV პირველის ეთერში.