ბიძინა ივანიშვილის მეორედ წასვლა - ოლიგარქმა მომხრეები დაამშვიდა და დააანონსა რომ ოცნებას 5 წლის განმავლობაში ხელისუფლებაში ყოფნა გარანტირებული აქვს, თუმცა მუშაობს იმაზეც რომ ახალი პარტია შეიქმნას, რომელიც მისივე შექმნილ ოცნებას ჩაანაცვლებს.

პოლიტიკიდან "წასვლის" შემდეგ, ივანიშვილმა ახალი გადანაწილება დაიწყო პოლიტიკაშიც და მედია ბაზარზეც.

"მთავარი არხის" ინფორმაციით, პოლიტიკურ ველზე ახალი მოთამაშეები ბიზნესიდან გამოჩნდებიან. მათ შორისაა მაგთიკომის დამფუძნებელი გია ჯოხთაბერიძე და ამავე კომპანიის წილის მფლობელი ირაკლი რუხაძე.

ორივე მათგანი საზოგადოებას გასული წლის ივლისში პარლამენტში ხმაურიანი განხილვებით დაამახსოვრდა, როდესაც ისინი ელექტრონული კომუნიკაციების შესახებ კანონში ცვლილებებს აპროტესტებდნენ.

მაგთიკომის დამფუძნებელმა პრესსამსახურის მეშვეობით განაცხადა, რომ პოლიტიკაში მისი მოსვლაპოლიტიკაში გამორიცხულია.

ირაკლი რუხაძე კი აღნიშნულ საკითხზე არ საუბრობს.

ივანიშვილის კარზე კიდევ ერთი გავლენიანი ბიზნესმენი რომელმაც შესაძლოა პოლიტიკაში გადაინაცვლოს ვანო ჩხარტიშვილია. ბოლო ორი დღეა ვრცელდება ინფორმაცია რომ ოლიგარქის ფავორიტი რუსთავი2-ს ყიდულობს, რასაც ვანო ჩხარტიშვილი არ ადასტურებს.

ბიძინა ივანიშვილი პოზიციებს იძლიერებს მისივე დაფუძნებულ პარტიაშიც, რომლის თავმჯდომარეობაც გუშინ დატოვა. პოლიტსაბჭოს წევრთა რაოდენობა ზრდის და ძირითადად თავისი კადრებით აკომპლექტებს.

ახალ წევრებს შორის იქნებიან ჯანდაცვის მინისტრი ეკატერინე ტიკარაძე და იუსტიციის ყოფილი მინისტრი, განათლების კომიტეტის თავმჯდომარე თეა წულუკიანი. სატელევიზიო სივრციდან პოლიტიკაში აბრუნებს, საზოგადოებრივი მაუწყებლის ყოფილი ხელმძღვანელს ვასილ მაღლაფერიძესაც.

ის, თუ როგორ გადანაწილდება პარტია ქართული ოცნების მთავარ პოლიტიკურ ორგანოში ადგილები ეს შაბათის ყრილობაზე გაირკვევა.