კობახიძის წარდგენა ოცნების თავმჯდომარედ ნიშნავს, რომ პოლიტიკური ძალა უნდა წაიქცეს - ამის შესახებ პარლამენტის ყოფილმა დეპუტატმა გედევან ფოფხაძემ გადაცემა კომენტარში განაცხადა.

"ეს [ირაკლი კობახიძის წარდგენა ქართული ოცნების თავმჯდომარედ] იმას ნიშნავს, რომ პოლიტიკური ძალა უნდა წაიქცეს, უნდა დასრულდეს. აქ რომ იყოს რაიმე მცდელობა მაინც, რომ ქართულ ოცნებას რაიმე შანსი მისცენ, მინიმუმ კახი კალაძე მაინც უნდა ყოფილიყო, ერთადერთი ადამიანი პარტიაში, რომელსაც აქვს შერჩენილი ლიდერის თვისებები და შეეძლო ოცნების პარტიულ გადარჩენაზე ეფიქრა. მაგრამ, ეს ფორმალურადაც არ იქნებოდა სწორი. მე მიმაჩნია, რომ ივანიშვილის წასვლით ეს პარტია დამთავრდა. ახლა იქ რეალურად კალაძის მოყვანა თავმჯდომარედ რეალურად იქნებოდა ამ ადამიანის კიდევ უფრო გაწვალება და პროცესის დამძიმება" - განაცხადა ფოფხაძემ.