ოლიგარქის “სასტიკი გამარჯვება“ ხალხზე - “ივანიშვილის წასვლაზე უკვე ამერიკის ახალი ხელისუფლებაც ალაპარაკდა... ამას ვადამდელი არჩევნები სჭირდება“

ოლიგარქის “სასტიკი გამარჯვება“ ხალხზე - “ივანიშვილის წასვლაზე უკვე ამერიკის ახალი ხელისუფლებაც ალაპარაკდა... ამას ვადამდელი არჩევნები სჭირდება“ - კემულარია

პოლიტიკა - 18:34, 11 Jan, 2021

2058

პოლიტიკური მოძრაობა „ტრიბუნას“ წევრი კოტე კემულარია ივანიშვილის პოლიტიკიდან წასვლის შესახებ გაკეთებულ განცხადებას აფასებს და ამბობს, რომ მის წასვლას ვადამდელი არჩევნები სჭირდება. კემულარია იქვე, „ოცნების“ ამჟამად უკვე ყოფილი ლიდერი „გამარჯვებებზე“ საუბრობს და ვრცელ ჩამონათვალს აკეთებს:

„ბიძინა წავიდა! “ის აქ არის” - ეს ნაცვლიშვილი-კობახიძის შეგონებაა.

შესაბამისად, “ბიძინას როდესაც ვერ ხედავთ, მაშინაც თქვენთან არის” უნდათ უკვდავად აქციონ.

ახლა ბიძინას “გამარჯვებაზე”:

პანდემიის საბაბით მიტაცებული ნასესხები და ჩვენი შვილების გასასტუმრებელი მილიარდები;

განწირული მცირე ბიზნესი, ველური კორუფცია, ცარიელი ხაზინა;

ყაჩაღური საკრედიტო პოლიტიკით გაძარცული და ვალაუვალი მოსახლეობის 67%, დიდწილად ახალგაზრდობა;

დანგრეული სოციალური და ჯანდაცვა;

ერთპარტიული, კომუნისტური ვითომ პარლამენტი, მიწასთან გასწორებული ინსტიტუტები;

ოკუპანტთან უნისონში ნაწარმოები საგარეო პოლიტიკა;

ეს არის ბიძინას საკუთარ ხალხზე “სასტიკი გამარჯვების” არა სრული ნუსხა.

ამ “გამარჯვებისაგან” პასუხისმგებლობას ხანდაზმულობის ვადა არ აქვს.

ნაცვლიშვილმა-კობახიძემ ხომ დაგვამუნათეს, “ბიძინას რომ ვერ ხედავთ, ის მაინც თქვენთან არისო”.