თბილისის მერს კახი კალაძეს პრემიერმინისტრობა სურს - ამის შესახებ ინფორმაციას "ლელოს" წევრმა ანი მიროტაძემ ტელეკომპანია მთავარი არხის ეთერში გააჟღერა. მისი თქმით, კალაძეს მერობის ვადა უკვე ეწურება და ახალი პოლიტიკური გამოწევვების სურვილი აქვს:

"ჩემს ხელთ არსებული ინფორმაციით, მას აქვს პრემიერობის სურვილიც. თუ იმასაც გავითვალისწინებთ, რომ მისი ოთხწლიანი ვადა მერობაზე იწურება, როგორც ჩანს, ახალი გამოწვევა აქვს. გუნდიც ჰყავს, დაახლოებით 20 დეპუტატი პარლამენტში - ირაკლი ზარქუა, ირმა ზავრადაშვილი, ასევე კალაძის ყოფილი მოადგილე მაია ბითაძე, ლევან კობიაშვილი - "სპორტსმენების ქვოტა მთლიანად მისია" - განაცხადა მიროტაძემ.

უნდა აღინიშნოს, რომ არაერთხელ გაჟღერდა სხვადასხვა მედიასაშუალებებით იმის შესახებ ინფორმაცია, რომ ბიძინა ივანიშვილი გახარიას მუშაობით უკმაყოფილოა. ნიუპოსტის წყარო გვიყვება იმასაც, რომ კალაძემ ივანიშვილს საკუთარი სურვილი უკვე გაანდო. ახლა საკითხავია, ვის მხარეს დაიჭერს ივანიშვილი, რომელმაც პოლიტიკური ეპისტოლეთი დატოვა ასპარეზი და კულუარებში გადაინაცვლა.