"ჩვენი საქართველო - სოლიდარობის ალიანსის" წევრი ლევან გოგიჩაიშვილი ბიძინა ივანიშვილის პოლიტიკიდან წასვლას ეხმაურება და აცხადებს, რომ ოცნების გუნდი ივანიშვილის გარეშე მალე დაიშლება, რადგან მასში შემავალ ადამიანებს ერთმანეთი არ უყვართ. გოგიჩაიშვილის თქმით, ივანიშვილს სურს, რომ ადამიანებმა აღარ შეაწუხონ:

"ქვეყანაში არის კორუფცია, ინსტიტუციები არის ჩამოშლილი, ყველა არის პასუხისმგებელი და მასთან ანგარიშვალდებული, ძალაუფლების ცენტრი არ არსებობს, არის ის. ძალაუფლების ცენტრი სად არის მაშინ, თუ ის წავიდა, ისეა ეს მოზაიკა დალაგებული, ეს ადამიანები - ერთმანეთს... მეორე დღეს დაიშლება უმრავლესობა. გამორიცხულია, ამათ ერთმანეთი არ უყვართ, ეს გუნდი არ არის, ეს არის ანგარებით შეკრული, ზოგზე პროკურატურაში საქმეები დევს, ზოგზე საქმეა აღძრული და შემოდებულია თაროზე, გამორიცხულია ამ სისტემამ იარსებოს მის გარეშე. წავიდა, წაიყვანა თან უჩა მამაცაშვილი? ჩინჩალაძე წაიყვანა? გახარიამ საკუთარი მთავრობის ფორმირება დაიწყო? ისევ ის სისტემაა, ისევ რეალობაშია, მას უნდა რომ აღარ შეაწუხონ, რომ დაივიწყოთ ამ ადამიანის სახელი და გვარი, მას ეს კომფორტი არ ექნება" - აცხადებს გოგიჩაიშვილი.

შეგახსენებთ, რომ დღეს ივანიშვილმა ღია წერილი გაავრცელა, სადაც მისი პოლიტიკიდან წასვლის შესახებ წერია ინფორმაცია.