პარლამენტმა "ამნისტიის შესახებ" კანონი დაამტკიცა

პოლიტიკა - 15:35, 11 Jan, 2021

857

პარლამენტმა "ამნისტიის შესახებ" კანონპროექტი დაამტკიცა - კანონპროექტის მესამე მოსმენით განხილვისა და მიღების პროცესში, პროექტში გარკვეული ცვლილებები აისახა. კერძოდ, ეს შეეხება "სისხლის სამართლის კოდექსის" 126-ე მუხლს - ძალადობა (გარდა ოჯახური დანაშაულის ჩადენის შემთხვევისა) და ნარკოტიკული დანაშაულის ჩამდენი პირებისათვის უფლებების აღდგენას."იქ, სადაც 126-ე მუხლის თაობაზე ვისაუბრეთ, არის სისტემატიური ცემა, რომელიც გამოირიცხება, როგორც ამნისტიის ქვემდებარე ქმედება და ეს გავრცელდება მეორე ნაწილით გათვალისწინებულ დანაშაულებთან მიმართებაში. ასევე, როდესაც ვსაუბრობდით ნარკოტიკულ დანაშაულთან დაკავშირებით უფლებების აღდგენაზე, დაფიქსირდება დებულება, რომ ამ კანონის საფუძველზე ავტომატურად მოხდება ცალკეულ უფლებებთან დაკავშირებით გადაწყვეტილებების მიღება. ეს არ ეხება მართვის მოწმობას და არ ეხება იარაღთან დაკავშირებულ უფლებებს", - განაცხადა ადამიანის უფლებათა დაცვის კომიტეტის თავმჯდომარემ და კანონპროექტის ავტორმა , მიხეილ სარჯველაძემ.პროექტი სწორედ აღნიშნული შენიშვნების გათვალისწინებით დადგა -პარლამენტმა “ამნისტიის შესახებ“ კანონის პროექტი 83 ხმით დაამტკიცა.